Mae gan y mwyafrif o gwmnïau gynlluniau i helpu pobl sydd:
- ar incwm isel
- yn derbyn rhai budd-daliadau lles neu
- â biliau ynni uchel o gymharu â'u hincwm
I gael gwybod a all eich cyflenwr helpu cliciwch ar eu logo ar y chwith -->
Help gyda Thalu Eich Biliau
Os ydych yn cael trafferth talu eich biliau nwy, trydan a dŵr efallai y byddwch yn gallu cael help. Cysylltwch â'ch cyflenwr yn uniongyrchol i ofyn am eu tariff cymdeithasol neu cliciwch ar y logos isod i gael rhagor o wybodaeth.
Gallwch hefyd feddwl am leihau eich biliau drwy newid sut rydych yn byw, neu wneud gwelliannau i'r cartref a fydd yn eich helpu i ddefnyddio llai o ynni. Gallech hefyd gael grant i helpu gyda rhai o'r rhain.
Os hoffech siarad ag ymgynghorydd annibynnol ynghylch eich dewisiadau ffoniwch y Llinell Gymorth Cartrefi Cynnes ar 0800 33 66 99.
Biliau dŵr
Os yw eich bil dŵr yn uchel, naill ai gan fod gennych deulu mawr neu gan fod gan aelod o'ch cartref gyflwr meddygol sy'n arwain at ddefnydd uchel o ddŵr, efallai y gallech gael help drwy Gynllun Cymorth Dŵr Cymru. I fod yn gymwys rhaid i chi fod yn derbyn rhai budd-daliadau lles.
Help gydag ôl-ddyledion nwy/trydan/dŵr
Mae gan gwmnïau ynni a Dŵr Cymru gronfeydd ymddiriedolaeth i helpu pobl sy'n dioddef o galedi ac sy'n cael trafferthion gydag ôl-ddyledion. Mae'r trefniadau'n amrywio rhywfaint felly defnyddiwch y dolenni isod i weld yr hyn y gall eich cyflenwr ei gynnig.
Taliadau Tanwydd y Gaeaf/Tywydd Oer
Os ydych wedi cyrraedd yr oed cymhwyso gallech gael Taliad Tanwydd y Gaeaf i'ch helpu i gadw'n gynnes yn y gaeaf. Yn ystod gaeaf 2011/12 bydd y taliadau rhwng £100 a £300 yn dibynnu ar eich sefyllfa. Os ydych wedi cael y taliad yn y blynyddoedd blaenorol dylech ei gael yn awtomatig eto eleni, ond os oes gennych unrhyw ymholiadau ffoniwch Linell Gymorth Taliadau Tanwydd y Gaeaf ar 0845 915 1515.
Os ydych yn derbyn Credyd Pensiwn, Cymhorthdal Incwm, Lwfans Ceisio Gwaith yn Seiliedig ar Incwm neu Lwfans Cyflogaeth a Chymorth yn Seiliedig ar Incwm, gallech hefyd gael Taliad Tywydd Oer am bob cyfnod o saith diwrnod o dywydd oer iawn rhwng 1 Tachwedd a 31 Mawrth. Cliciwch yma i gael rhagor o wybodaeth.
