NID yw llety pobl hŷn yn gartref gofal neu breswyl - mae'r tenantiaid yn byw'n annibynnol yn eu heiddo hunan gynwysedig eu hunain fel rhan o'r cynllun, a gallant benderfynu i ba raddau eu bod am gymryd rhan yn y digwyddiadau cymdeithasol a'r gweithgareddau eraill a drefnir ar y safle.
Un o fanteision cynlluniau tai gwarchod yw nifer o wasanaethau sy'n cynnig lefel uwch o ddiogelwch, cymorth a sicrwydd i denantiaid. Mae larymau Cymdeithasol wedi'u gosod ym mhob cynllun yng Nghaerdydd sy'n cynnig gwasanaeth ymateb brys 24 awr y dydd. Mae gan y rhan fwyaf o gynlluniau reolwr hefyd yn ystod oriau swyddfa sy'n gallu helpu â phroblemau sy'n codi o ddydd i ddydd, ac sy'n chwarae rôl bwysig o ran trefnu gwasanaethau ar y safle (megis ymweliadau gan bobl trin gwallt symudol) a gweithgareddau (megis boreau coffi, ymweliadau a dosbarthiadau).
Fel arfer mae'r llety yn cynnwys fflatiau â 1 neu 2 ystafell wely (ar y llawr daear neu'r llawr cyntaf) neu fyngalos. Er bod yr eiddo unigol yn hunan gynwysedig, mae gan y rhan fwyaf o gynlluniau gyfleusterau cymunol megis lolfa/cegin, ystafell golchi dillad, gardd a chyfleusterau storio/trydanu sgwteri symudedd.