Landlords

Mae'r adran hon o'r wefan ar gyfer landlordiaid newydd a landlordiaid a gofrestrwyd eisoes er mwyn helpu sicrhau...

• Bod ganddynt y wybodaeth i'w galluogi i gyflawni eu rhwymedigaethau cyfreithiol fel landlordiaid
• Eu bod yn gwybod lle i ofyn am gyngor a chymorth o ran cynnig llety o ansawdd da a thenantiaethau a reolir yn dda

Dod o Hyd i Denant

Deddfwriaeth a Rheoliadau

Rhenti a Bondiau

Mae Cyllid a Thollau EM (CThEM) wedi creu cyfleuster hyfforddi Cyllid a Thollau EM ar-lein a fydd yn helpu i ddatblygu gwybodaeth landlordiaid mewn perthynas â materion megis treth incwm, cofnodion busnes a threuliau. Mae'r gwasanaeth yn rhad ac am ddim a gallai fod yn arbennig o ddefnyddiol i'r landlordiaid hynny sy'n newydd i osod eu heiddo i denantiaid. Rhennir yr hyfforddiant yn fodiwlau bach sy'n cynnwys y canlynol :

• pryd a sut mae gosod eiddo yn cychwyn a beth i'w wneud
• y gwahanol fathau o incwm eiddo - dodrefn, heb ddodrefn, Gosodiadau Gwyliau, Rhentu Ystafell, y Cynllun Landlord Di-breswyl - a sut maen nhw'n cael eu trethu
• trin incwm a gwariant yn gywir (refeniw a chyfalaf)
• syniadau ar gadw cofnodion
• gwaredu eiddo, Enillion Cyfalaf a Threth Etifeddiant
• dyddiadau ffeilio ffurflenni a thalu treth
• Rhwymedigaethau Talu Wrth i chi Ennill a TAW

Mae Pecyn Cymorth Rhentu Eiddo Cyllid a Thollau EM Pecyn Cymorth Rhentu Eiddo Cyllid a Thollau EM yn rhoi arweiniad ar sut i osgoi'r gwallau a wneir amlaf y mae Cyllid a Thollau EM yn eu gweld mewn ffurflenni rhentu eiddo. Fe'i cynlluniwyd yn bennaf i ddiwallu anghenion asiantau ond gallai hefyd fod o ddiddordeb i landlordiaid.

Mae Cyllid a Thollau EM hefyd yn darparu gweminarau ar incwm eiddo byw neu wedi'u recordio ymlaen llaw sy'n cwmpasu hanfodion incwm o eiddo gan gynnwys cofrestru, cadw cofnodion ac ati. Mae'r gweminarau hefyd yn ymdrin â chynlluniau fel Rhentu Ystafell a Gosodiadau Gwyliau wedi'u Dodrefnu.

Mae yna hefyd fideo You Tube Cyllid a Thollau EM yn egluro pwysigrwydd cael trefn ar eich materion treth.

Mae'r Ymddiriedolaeth Arbed Ynni yn cynnig gwaith insiwleiddio llofftydd a waliau ceudod am ddim a boeleri newydd i landlordiaid preifat yng Nghymru*. Ceir hefyd ffrwd gyllido newydd ar gyfer insiwleiddio blociau mawr o fflatiau. Mae'r Ymddiriedolaeth Arbed Ynni am siarad ag asiantaethau gosod tai neu landlordiaid sydd â sawl eiddo i drefnu arolygon heb rwymedigaeth. Er bod rhai cyfyngiadau o ran cymhwysedd, bydd yr Ymddiriedolaeth yn gallu cynnig cyngor ar y llwybr gorau o ran cyrchu cyllid ar gyfer gwaith effeithlonrwydd ynni.
 
I gael rhagor o wybodaeth cysylltwch â oceanne.desparcieux@est.org.uk
 
*yn amodol ar arolwg a meini prawf cymhwysedd ECO.